Qisada Ninki gaalka ahaa ee soo Islaamay...!

Mid ka mid ah walaalaha Muslimiinta ayaa wuxuu niyeystay inuu Ilaahay ku irsaaqo hanuunka qof aan heysan diinta Islaamka, wuxuuna la kulmay nin gaal ah, isagoo uga sheekeeyay wanaagga diinta iyo kheyrka lagu gaaro.


Walaalkan Muslimka ah wuxuu tusay gaalkaasi, in diinta Islaamku ay tahay mid fudud oo aad u sahlan, Quraanka Kariimkana uu yahay halka laga hago dhamaan caalamul Islaam.

Wuxuu dareensiiyay sida Bani'aadamka noloshiisa ay ugu dageyso wanaagga iyo kheyrka Quraanka Kariimka, waxaana walaalkan Muslimka ah isku dayay inuu aad uga dhaadhiciyo Diinta Islaamka.

Ninkii gaalka ahaa baa wuxuu yiri "Hagaag, maadaama aad ii sheegtay in quraanka kariimka uu wax walbo u yeelay waqti u gaar ah waan islaami doonaa ee aan sugo intuu islaamku ii dhalan doono".

Ninkii Muslimka ahaa baa ogolaaday, wuxuuna xasuusiyay inuu sugi doono, jeer uu Ilaahay soo hanuuniyo.

Muddo kadib baa walaalkii Muslimka ahaa wuxuu u tagay ninkii gaalka ahaa wuxuuna ku aqriyay Quraanka Kariimka ee oranaya:-

 " و اذا راوا تجارة او لهوا انفضوا اليها وتركوك قائما قل ماعند الله خير من اللهو ومن التجارة والله خير الرازقين

Ninkii gaalka ahaa waxaa aad u taabtay qiimaha ku jira aayaddan, halkaas ayuuna ku islaamay, waxaana ilaahay u mahad celiyay walaalkii Muslimka ahaa ee mar walba jeclaa inuu gacantiisa ku soo islaamo qof bani'aadam ah.

Hadaba Walaalayaal waxaa Diinteenna naga saaran xil weyn waxaana nalaka doonayaa inaan innaga ku dhaqanno kadibna aan ugu yeerno gaalada, qofkii gacantiisa ku soo hanuuniyo qof nool, ilaahay agtiisa qiimo weyn ayuu ku yeelanayaa Ilaahow noo kas.

FG: Walaal ku soo biir Faafinta Diinta Islaamka

FAAFI.BLOGSPOT.COM

Facebook.com/faafidiinta

@WALAALAHA FAAFI DIINTA ISLAAMKA

Share on Google Plus

Qoraaga: Unknown

Magaceygu waa Abdishakur Hussein Mohamed loo yaqaan (Shakra), waxaan ku noolahay Magaalada Muqdisho ee caasimadda dalka Somalia, waxaan jecleystay inaan xirfadeyda wariyenimo ku kaabo faafinta Diinta Islaamka. Hadii aad tahay qof jecel diinteenna xaniifka ah ee Islaamka fadlan hadda is weydii maxaad u qabatay diinteenna oo loo daadiyay dhiiggii qaaliga ahaa ee Nabi Mohamed SCW, diinta aan u istaagay inaan ka shaqeeyo waxaa u dhintay boqollaal geesiyaal muslimiin ah AHUN. FG: Hadii aad kheyr qabe tahay ogow inuu jiro walaal kale oo madow kaga jiro Diinta Islaamka oo laga yaabo inuu saaladaha wahsado ama aanan soomin.