Qiso Waano Mudan: Odaygii qabriga ku booqday gabadhiisa ee ka wareystay Cadaabta..!

Assalaamu Caleykum Warraxmatullahi Wabarakaatuhu, Walaalayaal aan ilaahay ka barinno marka hore inuu naxariistiisa na siiyo, naga dhigo kuwii harsada hooskiisa maalin uusan hoos kale jirin.

Qisadan waxay cibro u tahay dhamaan umadda Muslimka gaar ahaan dadka Soomaaliyeed ee ku xiran bar-kulmiskan kheyrka ee FAAFI.BLOGSPOT.COM.

Waxaa jiray nin aad u jeclaa gabar uu dhalay oo kaligeed uu ubad ka qabay, maalin maalmaha ka mid ah ayay inantiisii ka xanuunsatay, waxaana ugu dambeyn ay sababsatay cudurkii helay, oo ay u geeriyootay.

Markuu aasay gabadhiisi oo ay dadkii janaasada raacay ka soo laabteen isagu muusan soo bixin, wuxuna joogay qabriga ilaa uu go'aansaday inuu gabadhiisa ka soo saaro qabriga.

Wuxuu u yeeray rag ku kaalmeeya soo bixinta gabadhiisi dhimatay, wuxuuna ku soo qaatay boorso, isagoo keenay gurigiisii, muddo kadib dadkii dariska oo arrintan maqlay baa odaygii la yaabay oo waaniyay.

Wuxuu go'aansaday inuu inanta celiyo, laakiin wuxuu waayay boorsadii oo dhan, meel kasta wuu ka raadiyay laakiin muusan helin, wuuna ka quustay ilaa uu go'aansado inuu ku laabto qabriga isagoo u maleeyay inay kaga soo dhacday qabriga uusan guriga keenin.

Wuu laabtay wuxuuna qoday qabrigii, wuu ka waayay wax allah iyo wax ku jira, wuu yaabay, wax yar kadib haduu eegay qabrigii, waxaa ku jira wajigeedi, labadeedi jilbood, labadeedi lugood, iyo gacmaheedi oo guban.

Isagoo naxsan buu qabrigii ka soo baxay wuxuuna aaday gurigiisii, wuxuuna daalkii haayay iyo naxdintii kula dul dhacay sariirtiisii, isagoo ku riyooday arrin cajiib ah oo ku cibra qaadasho mudan.

Ninkii wuu riyooday wuxuuna hurdada ku arkay gabadhiisii oo weydiiyay "Xagaad joogtay markaan qabriga galay waan kaa soo waayay, maxayse tahay gubnida jidhkaaga" waxay ugu jawaabtay...

"Markii aad qabriga imaaneysay waxaa malaa'igtu ii qaaday jahannamo si' ay iigu soo ciqaabto, sidaas ayaana leygu sameeyaa xilli kasta oo la gaaro waqtiga Salaadda..."

Wuxuu weydiiyay "Maxay tahay Sababta laguugu qaado Naarta..?.." Waxay ugu jawaabtay..

"Waxaan waqtigeeda ka dib dhigi jiray Salaadda, mana tukan jirin waqtigeeda.."

Ilaahow Salaadda noo fududee oo naga Aqbal

Maxaan Ka faa'iidnay Qisadan?

Qofkii Ilaahay hanuuniyo ayaa nasiib leh, annagu ma huunin karno qofkii aan jecel nahay ee ilaahay ayaa tubta toosan ku duwo qofkii uu u garto, waxaase qisadan oo u baahan in aad loo fahmo ka faa'iideynaa in salaadda oo waqtigeeda laga dib dhigo lagu mudan karo ciqaab gaarsiisan "Jahannamo" ilaahay ha inaga korshee.

Wuxuuna Ilaahay quraankiisa ku leeyahay "Wuxuu Halaag u sugnaaday kuwa tukada..Kuwaasoo salaadooda sahwiyay.." Culimada waxay ku fasireen kuwa salaadda ka dib dhiga waqtigeeda.

Hadii la ciqaabayo qofkii salaadda tukaday balse waqtigeeda ka dib dhigay, xaguu joogaa qofkii salaadda ka tagay ee aan tukan ilaahoow qalbigeenna diinta u fur oo Islaamka nagu adkee.

FG: Walaalayaal aan ku cibra qaadanno qisadan oo noqonno kuwa qaata hadalka kiisa wanaagsan, kuna soo biira Faafinta Diinta Islaamka, FAAFI.BLOGSPOT.COM

Waxaa Qormadan isku soo duway oo noo tarjumay

Abdishakur Hussein Mohamed
Wariyeshakra@gmail.com
Facebook.com/diintaislaamka

FG: Walaal ku soo biir Faafinta Diinta Islaamka

FAAFI.BLOGSPOT.COM

Facebook.com/faafidiinta

@WALAALAHA FAAFI DIINTA ISLAAMKA

Share on Google Plus

Qoraaga: Unknown

Magaceygu waa Abdishakur Hussein Mohamed loo yaqaan (Shakra), waxaan ku noolahay Magaalada Muqdisho ee caasimadda dalka Somalia, waxaan jecleystay inaan xirfadeyda wariyenimo ku kaabo faafinta Diinta Islaamka. Hadii aad tahay qof jecel diinteenna xaniifka ah ee Islaamka fadlan hadda is weydii maxaad u qabatay diinteenna oo loo daadiyay dhiiggii qaaliga ahaa ee Nabi Mohamed SCW, diinta aan u istaagay inaan ka shaqeeyo waxaa u dhintay boqollaal geesiyaal muslimiin ah AHUN. FG: Hadii aad kheyr qabe tahay ogow inuu jiro walaal kale oo madow kaga jiro Diinta Islaamka oo laga yaabo inuu saaladaha wahsado ama aanan soomin.