FADLIGA SALAADDA TARAAWIIXDA EE LA TUKADADO BISHA RAMADAAN

Sidaan ogsoonahay bisha ramadaan waxaa ka mid ah shicaa'irteeda tukashada salaada taraawiixda, waana salaad sunno ah  oo la tukado salaadda cisha gadaasheed, waxaana loo tukadaa labo-labo rakco, nabigana (scw) wuxuu xadiis saxiix ah ku sheegay: ”Qofkii tukada ramadaan asagoo rumeysan oo xisaabsanaya Alaah aktiisa (ajirkeeda) waa loo  dembi dhaafa
a(dambiyada yar yar, kuwa kabaa'irta waa in la toobad keenaa).”  (Bukhari & Muslim).

Abuu Hureyrah (A.K.R.) wuxuu yiri: ‘ Nebigu (S.C.W) wuxuu yiri: “Qofkii u kaca inuu tukado salad taraawiix bisha Ramadaan, Imaan qab iyo ajar dalab dartood, waa loo dhaafaa wixii dambiyo (yar yar) horey uga dhacay. (Bukhaari iyo muslim)

Waxaa Sunno ah  salaadaan in lagu tukado jamaaco sida soo aroortay in uu nabiga (scw) tujiyey saxaabada dhoor habeen kadibna iska daayey cabsi uu ka cabsanyey in lagu waajib yeelo ummadiisa.

Markii la gaarey khilaafadii Cumar bin Khadab(rc) wuxuu arkay dadka oo koox koox u kala tukanaya Salaada  taraawiixda, kadib ayuu ku fakaray inuu dadka iskugu keeno hal imaam oo ay jamaaco ahaan u wada tukadaan, sababtoo ah waxaa meesha ka baxday baqdintii uu Nabiga ka baqayay in ummadda lagu waajib yeelo Salaada Taraawiixda, kadib markii uu Waxyigu istaagay geeridii Nabiga (scw) ka dib.

Sidaas ayuu Amiirkii Mu’miniinta Cumar bin Khadaab (rc) kusoo nooleeyay Sunnadii tukashada salaada Taraawiixda Jamaaco ahaan.

Maxaa lagu aqriyaa salaadaan?

Kuma soo aroorin salaadaan quraan gaar oo la akhriyo. Salafka wey ku dheereen jireen quraan akhriska, ilaa qaar ka mid ah  gaarsiin jireen wax u dhow salaada subax, laakin sida fiican waa in lagu tukadaa salaaddan inta ay awoodaan dadka la tukanaya Imaamka.

Waxaa haboon in bisha ramadaan hal mar ugu yaraan lagu dhameeyo quraanka kariimka.

Meeqo rakaco ayey ka koobantahay salaada taraawiixda?

1-Culumada way isku khilaafeen inta rakco ay ka koobantahay salaadaan.

Culumada qaar waxey leeyihiin  waa(11-rakco) 8-rakco iyo 3- racko oo witri ah,waxayna u soo daliishadeen xadiiskii caa'isha (rc) oo ahaa:- ''Nabiga (scw) Kuma uusan siyaadin jirin 11-rakco ha ahaato ramadaan ama yaysan ahaan''.

2-Culumada qaarkoodna  waxey qabaan in ay tahay 20-rakco iyo 3-racko oo witri  ah,waxeyna u soo daliishadeen ficilkii Saxaabada –Radiyalaahu canhum-

3-Culiumada sida ay u badan yihiin waxey isku dayeen in ay isku keenaan  labadaan ra'yi oo waxey dhaheen waxaa Sunno ah  in la tukado 11-racko, qofkii ka badiyana, wax dhib ah kuma jiraan oo waa ay banaan tahay in la tukado in ka badan 11-rakco.

Si kastaba ha ahaatee waxaa muhiim ah  qofka muslimka ah ee sooman inuu ku dadaalo sidii uu u tukan lahaa Salaada Taraawiixda inta uu awoodo, lakiin hadduu awoodo inuu la dhamaysto salaada imaamka taas ayaa fadli badan, sidii uu ku yiri Nabigeena (scw) xadiis saxiix ah:''qofkii la tukada imaamka ilaa uu ka salaamo noqsado waxaa loo qoraa ajarka  qiyaamka habeenka oo dhan''.

Alaah ayaan ka baryayna inuu naga dhigo kuwii laga aqbalo soonkooda iyo qiyaamkooda, uuna naga dhigo kuwii laga xoreeyo naarta bishaan barakaysan ee ramadaan Aamiin

Waxaa diyaariyay walaalkeen

 Cadnaan Cabdulqaadir

FG: Walaal ku soo biir Walaalaha FAAFI DIINTA ISLAAMKA ( faafi.blogspot.com )

Share on Google Plus

Qoraaga: Unknown

Magaceygu waa Abdishakur Hussein Mohamed loo yaqaan (Shakra), waxaan ku noolahay Magaalada Muqdisho ee caasimadda dalka Somalia, waxaan jecleystay inaan xirfadeyda wariyenimo ku kaabo faafinta Diinta Islaamka. Hadii aad tahay qof jecel diinteenna xaniifka ah ee Islaamka fadlan hadda is weydii maxaad u qabatay diinteenna oo loo daadiyay dhiiggii qaaliga ahaa ee Nabi Mohamed SCW, diinta aan u istaagay inaan ka shaqeeyo waxaa u dhintay boqollaal geesiyaal muslimiin ah AHUN. FG: Hadii aad kheyr qabe tahay ogow inuu jiro walaal kale oo madow kaga jiro Diinta Islaamka oo laga yaabo inuu saaladaha wahsado ama aanan soomin.